BANCO VECIÑAL DE ALIMENTOS DE TEO

FEIRA DA TERRA 013

ANEXO A ACTA DA CONVOCATORIA XORNADA ENCONTRO VECIÑAL CONCELLO DE TEO

Anexo a acta da reunión coas asociacións do 24 de maio de 2013

Estimados veciños e veciñas:

Unha vez visto o contido da acta facilitada polos técnicos , podo adiantar que algunha das conclusións  poden ser asumidas de xeito  doado por esta concellería. Algunhas dependen da acción e compromiso conxunto de mais áreas de goberno, e polo tanto non poden ser aceptadas de xeito individual por min.

Podemos velas unha a unha:

·      A persoa de referencia para o contacto coas asociacións veciñais, son eu como concelleiro da área.  As cuestión competencia desta área, serán resoltas directamente, e as que non, identificarase á persoa responsable, ou se así se require será trasladada directamente dende relación veciñais cara ese departamento.  Estas últimas  poderán  ser obxecto de seguimento  dende esta concellería.

·        Dous contactos anuais entre responsables municipais e responsables das entidades veciñais. Realizaranse nos meses de outubro e abril. O primeiro deles será venres 4 de outubro no concello de Teo.   Neste primeiro intentarase que estea presente o Alcalde, ademais do concelleiro da área.

·   Difusión dende o concello das actividades das entidades: as actividades que vos consideredes de interese difundiranse dende esta concellería ao resto de entidades. E se facedes chegar un cartel, será posto  no local  municipal.

·        Promover a ruta das asociacións.  Organizar unha visita tres veces no ano,  á algunha das entidades veciñais. Comezaremos en outubro/novembro.

·        Trasladar a necesidade de respostas por escrito ao resto das áreas.

·        Convocar as reunións, sempre que sexa posible, con un mínimo de 15 días de antelación. Excepto nos casos de urxencia, nos que se entendera que non hai compromiso de asistencia.

·        O deseño dos instrumentos municipais de comunicación, será un dos  temas a explicar na reunión do día 4 de outubro.

·        As entidades que queiran ter os seus datos actualizados deberan facernos chegar nun prazo de 10 días, os seguintes datos: nome, ámbito de actuación, teléfono de contacto, mail. Estes datos serán feitos públicos.

            En Teo a 30 de maio de 2013

Asdo. Ignacio Iglesias Villar

Concelleiro de Benestar Social,  Igualdade  e Participación Veciñal

Concello de Teo

ACTA DA CONVOCATORIA XORNADA ENCONTRO VECIÑAL CONCELLO DE TEO

Xornada Veciñal Concello de Teo 

Salón de Plenos do Casa do Concello de Teo, 24 de maio de 2013. 20h00- 22h00  horas.


Temas tratados:

1. Benvida e presentación da Xornada a cargo do Concelleiro de Participación Veciñal, Ignacio Iglesias.

2. Presentación do plan de traballo da Xornada:

•  propostas de mellora nas relación entre o Concello e as Asociacións,
•  dinámicas colaborativas entre as propias asociacións.

3. Peche da Xornada.

➔ Asistencia ao Encontro:

• Responsables políticos: Ignacio Iglesias, Concelleiro de Participación Veciñal.
• Persoal  técnico:  Rosa  Muñiz  Castro e Luís  García  García,  Persoal  Técnico  de
• Cidadania.
• Integrantes da Xornada ( 17 persoas):

1. Benvida e presentación do Encontro a cargo do Concelleiro de  Participación Veciñal, Ignacio Iglesias. 

O  Concelleiro de Participación Veciñal, Ignacio Iglesias, dá inicio a Xornada co agradecemento ás persoas  pola asistencia  e  presenta  os obxectivos  da reunión  que consisten en identificar propostas de mellora en relación aos dous ámbitos de traballo propostos:

•  as relacións entre Concello-Asociacións, e;
•  as dinámicas colaborativas entre as propias asociacións.

Unha vez feita  a presentación,  o Concelleiro,  deu paso a sesión de traballo  da Xornada conducida  por Rosa  Muñiz  e  Luís  García,  persoal  técnico  de  participación  cidadá,  da cooperativa Cidadania, asistencia técnica contratada para a realización da Xornada.

2. Presentación do plan de traballo da Xornada.

A continuación o Equipo Técnico recorda os obxectivos da Xornada e explica en que consiste a dinámica de traballo da xuntanza.

A xuntanza constitúe un espazo de encontro para o intercambio e reflexión conxunta de cara a promoción da participación cidadá e a activación do movemento veciñal de Teo. O proceso de traballo ten dous momentos;

•  un primeiro momento, que foi a anterior xuntanza, recolléronse os principais problemas
• e, un segundo momento, na xuntanza do día de hoxe, na que identificar propostas de necesidades do tecido asociativo mellora en base aos dous ámbitos ou temas propostos:

• as relacións entre Concello-Asociacións, e;
• as dinámicas colaborativas entre as propias asociacións.

A metodoloxía de traballo aposta pola participación das persoas e colectivos asistentes  áMXornada a través da posta en común das diferentes ideas e do debate e da identificación de propostas. Para iso as persoas asistentes traballaron  primeiro e dous  grupos (45 minutos aproximadamente).  Un  grupo  centrado  nas  relacións  entre  Concello-Asociacións,  e,  outro grupo que traballou sobre as dinámicas colaborativas entre as propias asociacións.

As ideas traballadas nos grupos foron trasladas ao plenario por parte das persoas voceiras (30 minutos aproximadamente).

3. Conclusións do traballo realizado.

   Grupo:    relacións entre Concello-Asociacións:• Ter  como  referencia  unha  persoa,  dende  o  Concello,  que  coordine, centralice  e canalice as demandas veciñais.• Manter encontros periódicos entre o concello e as asociacións, o que permitiría unha mellor comunicación. Proponse dous ao ano, unha primeira na que estea o Alcalde e, unha segunda co Concelleiro.

•   Ter  como  referencia  unha  persoa,  dende  o  Concello,  que  coordine, centralice  e canalice as demandas veciñais.
•  Manter encontros periódicos entre o concello e as asociacións, o que permitiría unha mellor comunicación. Proponse dous ao ano, unha primeira na que estea o Alcalde e, unha segunda co Concelleiro.
• Dar resposta, e informar, das reclamacións que as entidades formulan ao concello.
•  Difundir, desde o Concello, as actividades  organizadas  polas  asociacións  veciñais; cando menos as que son abertas aos socios e sociais,  para que a xente interesada pida participar e as entidades cubran o número de prazas que ofertan..
•  Actualizar os datos de contacto das Asociacións na web.
•  Informar ás entidades de calquera convocatoria cun mínimo de 15 días de antelación.
•  Promover a “ruta das asociacións” de coñecerse e dinamizar o concello, visitando os locais, actividades e, de paso, ás propias parroquias.
•  Deseñar unha web municipal máis atractiva e participativa cun servizo de novas mellor

Grupo sobre dinámicas colaborativas entre as propias asociacións:

•  Identificar  (Concelleiro) unha  persoa  coordinadora  no  concello,  e  promover  a constitución dun  espazo de encontro e de traballo con representación de todas as entidades veciñais,  tipo comisión coordinadora,  formulado como lugar de debate e preposición,  que  xunto  ao concello, establecer un plan de traballo. Podería reunirse cada seis meses.
•  Oferta dun curso de dinamización  para a  participación, dirixido, cando  menos, ás directivas das entidades veciñais.
• Deseño dun espazo web participativo. 

No debate en plenario deuse prioridade:

• •a mellora da comunicación e a divulgación das iniciativas coas entidades veciñais por parte do Concello: mellorar a web, o boletín, etc.
•  Proponse que o Concelleiro de Participación Veciñal, como responsable da área, para desenvolver as tarefas de  coordinación,  de forma  transparente e efectiva, entre as demandas das entidades veciñais e o conxunto de responsables políticos municipais.
•  Establecer un espazo de debate e diálogo permanente entre o concello e as AAVV, pode ser por períodos, a través dunha estrutura máis ou menos formal. 

4. Peche da Xornada.

O Concelleiro de Participación Veciñal pecha agradecendo a participación das asociacións e persoas na Xornada de traballo, así como  traslada o seu compromiso de estudar e valorar conxunto de propostas feitas en canto a súa viabilidade técnica. Recórdase, finalmente, que se todas as cuestións tratadas se recollerán nunha acta para o seu envío ou entrega a todas as entidades e persoas interesadas.

PASEO-RUTA PETROGLIFOS DE CORNIDE E MOUROMORTO

Ola bos días:

Axunto remítovos a información sobre unha ruta que imos facer este domingo, que esta pensado como un paseo para toda a familia,  para facelo como un paseo ao que poidan ir nenos e persoas maiores, no que aproveitaremos para ver dous pretróglifos na zona de Cornide e Mouromoto e ver un pouco da paisaxe desta especial zona do concello. Estades todos e todas convidados, e agradecemos a difusión entre as persoas do voso entorno.

Un saúdo e moitas grazas pola vosa colaboración

Ignacio Iglesias villar

Concellería de Benestar Social,  Igualdade e Participación Veciñal

Concello de Teo

CONVOCATORIA XORNADA ENCONTRO VECIÑAL CONCELLO DE TEO

Estimada veciña, estimado veciño:

Poñémonos en contacto con vostede e coa directiva á que pertence para convidar ao conxunto das persoas da asociación a unha xornada de traballo co conxunto das asociacións veciñais de Teo o venres 24 de maio, en horario de 20h00 a 22h00, no Salón de Plenos da Casa do Concello de Teo.

O obxectivo da xornada coas entidades veciñais é o de identificar, a través do diálogo e o debate, propostas de mellora nas relacións entre o Concello e as Asociacións, así como nas dinámicas colaborativas entre as propias asociacións.

A participación está aberta a todas aquelas persoas da Asociación que queiran participar. Por iso, queremos animar a vosa entidade a que faga a máxima difusión para que teñan un maior coñecemento da celebración xornada.

Para levar adiante este proxecto, a Concellería de Participación Veciñal de Teo, contratou a Cidadania, empresa especializada na dinamización de procesos de participación social. Para calquera cuestión poñemos ao seu dispor os teléfonos de información e enderezo electrónico do equipo técnico:
• Rosa Muñiz Castro, teléfono, 627 570 949. Correo electrónico:
  rosa.munhiz@cidadania.coop
• Luís Garcia Garcia, teléfono 627 570 950. Correo electrónico:
  luis.garcia@cidadania.coop


Aproveitamos a ocasión para enviarvos un cordial saúdo

             Ignacio Iglesias Villar                                      Martiño Noriega Sánchez
Concelleiro de Participación Veciñal                                        O Alcalde

ENCONTRO VECIÑAL CONCELLO DE TEO. 18 DE ABRIL DE 2013. ACTA

Encontro Veciñal Concello de Teo
Centro Sociocultural da Ramallosa, 18 de abril de 2013. 20h00- 21h30 horas.

Temas tratados:

1. Benvida e presentación do Encontro a cargo do Concelleiro de Participación Veciñal, Ignacio
   Iglesias.
2. Presentación do plan de traballo do Encontro.
3. Conclusións do traballo realizado.
4. Proposta de data de Xornadas coas Entidades Veciñais.

Asistencia ao Encontro:

• Responsables políticos: Ignacio Iglesias, Concelleiro de Participación Veciñal.
• Persoal técnico: Rosa Muñiz Castro e Luís García García, Persoal Técnico de Cidadania.
• Integrantes do Encontro (17persoas):

Nome Apelidos    -    Asociación

Ángeles Alonso Santos - Asociación Veciñal de Bamonde
Josefina Angueira Cobo - Agrupación Veciñal da Igrexa e Cemiterio de Santa María de Lampai
Mª Carmen Balnco Varela - Asociación Cultural O Cachón
María Luísa Barba Ares - Asociación de Veciños de Montouto
Xurxo Bértola Rodríguez - AVV AUgas Mansas
Roberto Blanco Martínez - Asociación de Veciños A Ramallosa
Ana Conde Miranda - Asociación Veciñal de Bamonde
Modesto de Jesús García - Fonte dos Dises. Texexe
María Manuela Fernández Martínez - A.VV Carballeira do San Martiño
José Ramón García Freire - Asociación Cultural O Cachón
M. Fernando López López - A.VV Carballeira do San Martiño
Josefina Mártínez Espasinde - Asociación de Veciños Nova Revolta de Rarís
Luís Alberto Moure García - Asociación de Veciños Os Tilos
Manuel Sánchez Quintáns - Asocación Cultural 1910 Oza
Mónica E. Vilariño Cajaraville - Asociación de Veciños Nova Revolta de Rarís
Manuel Villar Barreiro - Fonte dos Dises. Texexe
José Villar Barreiro - Fonte dos Dises. Texexe

1. Benvida e presentación do Encontro a cargo do Concelleiro de Participación Veciñal,
Ignacio Iglesias.

O Concelleiro de Participación Veciñal, Ignacio Iglesias, dá inicio o Encontro co agradecemento ás persoas pola asistencia e presenta os obxectivos da reunión. O Concello de Teo quere facer unhas xornadas de traballo co conxunto das entidades veciñais e, previamente, realizou a convocatoria, do día de hoxe, ás directivas das Asociacións de Veciños e Veciñas coa finalidade de:

• Preparar os contidos das Xornadas. Ter unha diagnóstico de partida que recolla cales son as principais problemáticas en dous planos:

- as relacións entre Concello-Asociacións, e;

- as dinámicas colaborativas entre as propias asociacións.

• Animar a que as entidades mobilicen ás súas persoas asociadas para que participen nesa xornada.
• Contrastar unha posible data para a súa celebración.

Unha vez feita a presentación, o Concelleiro, presentou ao equipo técnico que conduciría a sesión de traballo do Encontro: Rosa Muñiz e Luís García, persoal técnico de participación cidadá, da cooperativa Cidadania, asistencia técnica contratada para a realización das Xornadas.

2. Presentación do plan de traballo do Encontro.

A continuación o Equipo Técnico recorda os obxectivos do Encontro e explica en que consiste a dinámica de traballo da xuntanza.

A xuntanza constitúe un espazo de encontro para o intercambio e reflexión conxunta de cara a promoción da participación cidadá e a activación do movemento veciñal de Teo. O proceso pretende abrir un diálogo que permita coñecer cales son os problemas e os retos do conxunto das asociacións veciñais e poder ter un plan de actuación que dea respostan ás necesidades detectatas.

A metodoloxía de traballo aposta pola participación das persoas e colectivos asistentes ao Encontro a través da posta en común das diferentes ideas e do debate e da identificación de propostas. Para iso as persoas asistentes traballaron primeiro e dous grupos (40 minutos aproximadamente). Un grupo centrado nas relacións entre Concello-Asociacións, e, outro grupo que trabalou sobre as dinámicas colaborativas entre as propias asociacións. As ideas traballadas nos grupos foron trasladas ao plenario por parte das persoas voceiras (30 minutos aproximadamente).

3. Conclusións do traballo realizado.

Grupo: relacións entre Concello-Asociacións:

• Abandono total por parte do concello das asociacións de veciños.
• Falta de información das subvencións que corresponden ás asociacións.
• Escasa presenza, por parte do concello, nas asociacións de veciños.
• Falta de consulta cos veciños por parte do concello.
• Pouca estimulación de actividades dentro das asociacións.
• Escasa potenciación das relacións entre asociacións.

• Necesidade de convocatorias de xuntanzas con antelación mínima de dúas semanas.
• Necesidade de nomear a un coordinador coas asociacións, que centralice ou canalice as demandas das asociacións.
• Falta de comunicación e diálogo,debate entre o Concello e as Asociacións. Necesidade de establecer canles.
• Necesidade de actualización dos datos das asociacións na web do concello.
• Web municipal é unha ferramenta pouco participativa.
• Necesidade de facer as Xornadas do asociacionismo co concello.
• Descoñecemento sobre cal son ás demandas ou esixencias do concello con respecto  ás asociacións.

Grupo sobre dinámicas colaborativas entre as propias asociacións:

• A dispersión xeográfica dificulta as relacións entre AAVV.
• Falta de comunicación entre asociacións e competencia entre parroquias pequenas e grandes.
• Moitas asociacións atenden necesidades moi locais e cada un limítase a solucionar o seu problema.
• Necesidade de formación para a parrticipación (mellorar a dinámica de traballo dentro das entidades).
• Necesidade dun espazo de comunicación virtual entre asociacións.
• Pouca colaboración derivado do descoñecemento das cousas que traballa cada entidade. Existen prácticas colaborativas que non se aproveitan.
• Política de comunicación mal deseñada e pouco práctica (boletín, web,...).

4. Proposta de data de Xornadas coas Entidades Veciñais.

Finalmente, proponse que para facer unha boa difusión entre as persoas asociadas e a veciñanza é desexable ter máis marxe de tempo. As datas que se barallan, en función da disponibilidade dos responsables políticos, son: o venres 24 a partir das 20h00 ou o sábado 25, pola mañá.